[东方报]非國盃：貝寧掹車邊晉級 埃及養精蓄銳做大事[01-05]

十七号

今晚非國盃上演兩場16強大戰，頭場有7屆盟主埃及出戰貝寧。埃及上場收起穆罕默德沙拿等多名主力，養精蓄銳打今場。貝寧實力有限，僅憑其中1支最佳第3名資格晉級，加上埃及過往對親貝寧又經常大手交易，既然主W太熱唔吸引，轉捧2.5球入球大更划算。（Now 638周二凌晨零時直播）

埃及一向擅打非國盃，喺今屆B組頭兩輪分組賽擊敗津巴布韋同南非，提早鎖定出線資格後，於分組賽尾輪立即收起穆罕默德沙拿、馬莫殊等多名主力，以大部分副選應戰，而上述呢兩位老大哥全場坐冷板，最終同安哥拉互交白卷，以首名晉級，沙拿等主力又可以抖到夠，全力備戰今場。

另邊廂，貝寧於D組只得1勝2負，不敵塞內加爾唔意外，但連剛果民主共和國都輸得，最終只排第3位，以其中1支最佳第3名資格，僅僅出到線，拍埋埃及明顯差幾條街。埃及贏波晉級，相信問題不大，不過主W熱到得1.31倍，真係冇乜肉食，睇埋雙方近4次碰頭，合共炮製咗19粒，其中3場開3球或以上，2.5球大盤有2.22倍分頭更值博。

超霸鷹強勢搶半Ｗ
尾場則有尼日利亞對莫桑比克，「超霸鷹」一改近年飄忽表現，喺C組3戰全勝共轟8粒，盧卡文、域陀奧森漢、伊禾比都有入波或助攻，而且全部上半場已取得領先優勢，非常搶韁。相反，莫桑比克喺F組只得1勝2負，仲場場有失波，僅以其中1支最佳第3名資格晉級，面對「超霸鷹」強攻，隨時半場都頂唔住，一於捧半場主勝。（Now 639周二凌晨3時直播）