[东方报]歐冠：曼城喪攻誓創大奇迹日[03-17]

十七号

曼城喺歐聯嘅「不可能任務」今晚凌晨展開，16強首回合大敗0比3嘅「藍月亮」，今仗返主場迎戰皇家馬德里，肯定會出盡法寶瘋狂搶攻；「銀河艦隊」火力強勁，連基利安麥巴比亦有望復出，3球在手絕對無懼同曼城駁火，今場開3.5球入球大機會極高。（Now 643及644周三凌晨4時直播）

曼城上場作客巴拿貝球場，早段用逼搶戰術成效唔差，皇馬後防被搞到立立亂，結果被費達歷高華維迪1個打爆，上半場連失3球，埋下瀕臨出局禍根。「藍月亮」今場返主場，要製造反勝奇迹，唯一出路就係繼續喪逼喪攻，務求盡早打開紀錄，盡快摧毀皇馬信心。

曼城同皇馬係歐聯歡喜冤家，今屆係佢哋連續第5年喺淘汰賽對碰，近10場對賽「銀河艦隊」4勝3和3負略為佔優，而且主場出擊例必踢到火花四濺，近5次主場對皇馬4次開4球或以上，包括2022年「藍月亮」贏4比3、2023年就大炒4比0、上年曼城喺兩度領先下戲劇性輸2比3。

皇馬揸住３球唔怕駁火
皇馬今場有3球優勢在手，可以盡情發揮快速反擊踢法，首回合就多次利用曼城後場空洞，靠中前場球員個人技術突圍製造威脅，而且法國射手麥巴比據報傷愈復出，同雲尼斯奧斯祖利亞勢成「藍月亮」心腹大患。兩支火力最強球隊駁火，捧3.5球入球大冇甩拖。