[东方报]英超：護級兩弱要逃生 熱刺唔輸得半場和值追[05-24]

十七号

英超煞科焦點落喺護級之爭，尾4嘅熱刺領先尾3嘅韋斯咸2分，兩隊只能活一隊。熱刺主場硬撼愛華頓，唔輸就好大機會「上岸」，今仗一定先求穩陣，愛華頓近4仗客場不勝之餘，全開半場和，無欲無求下戰意成疑，半場和不妨再追。（Now 626周日晚11時直播）

熱刺依家領先韋斯咸2分，得失球亦領先12球，熱刺攞1分都應該夠上岸。事實上，熱刺自迪薩比4月上任救亡後，唔要華麗只求實際，領軍6仗獲2勝2和2負，其中4次半場打和，始終本身攻力麻麻，避免太早落後要焗攻係佢嘅策略。

愛華頓只係位居中游，近6仗3和3負狀態低迷，唔似想爭踢下屆歐洲賽。翻查紀錄，「拖肥糖」近4次作客雖然不勝，但全開半場和，可見主帥莫耶斯客場出擊，初段依然保守，造訪同樣先求穩嘅熱刺，半場和係最佳選擇。

韋斯咸不擅搶攻難贏列斯聯
另一場，韋斯咸主場惡鬥列斯聯，「錘仔幫」要避免自2011年後首次降班，今場只有贏波一條路可行，不過韋斯咸踢法並唔擅於搶攻，主動撲擊對手隨時得不償失，要知道列斯聯踢法硬淨，近8場聯賽保持不敗，要擊敗他們並非易事，讓球客勝（+1）值得捧場。（Now 630周日晚11時直播）