[东方报]西甲：馬德里打吡細盤最旺[05-08]

august

周日西甲上演「馬德里打吡」，馬德里體育會主場火併皇家馬德里。「銀河艦隊」已於西甲提前封王，今仗屬例行公事，反而馬體會仍要爭奪歐聯入場券全力搶分，戰意秤先，教練施蒙尼策略係穩中求勝，加上雙方近6次交手法定時間全開2球或以下，一於捧中位數2.5球細盤。

皇馬上仗大勝愛斯賓奴4比0，提前奪得西甲冠軍，今季回巢領軍嘅主帥安察洛堤，執教生涯集齊英、西、意、法、德五大聯賽冠軍。「銀河艦隊」上仗歐聯4強次回合主場火併曼城，上演一幕史詩式逆轉，佢哋喺先失1球下，最後階段連入兩球反勝2比1，並藉賓施馬加時射入奠勝球，總比數贏6比5殺入決賽，耗力甚大，體力未必能及時回復；而且西甲冠軍已到手，嚟緊要準備歐聯決賽，今仗或會收起主力，陣容大幅輪換唔出奇。

馬體會主場穩中求勝
馬體會目前要為保住前4而努力，不過自歐聯8強出局後，球隊近3仗僅取得4分，近況一般，相信施蒙尼會穩中求勝，派員緊盯賓施馬及雲尼斯奧斯祖利亞，再等待突擊機會，既然雙方近年交手入球數字偏低，捧入球細啱數。