[东方报]世界盃：鋒線數據靚仔 巴西剃蘇半大乾淨利落[06-24]

十七号

C組蘇格蘭硬撼巴西，現時巴西及摩洛哥手執4分，蘇格蘭3分緊隨其後，但「風笛國」明顯較下風，今場焗住要同巴西搏拳。「森巴兵團」開始上力，但後防唔算穩陣，不如以攻代守，睇番巴西近4場，上半場全開2球或以上，今場玩1.5球半場大啱數。（Now 618及616周四早上6時直播）

蘇格蘭首仗1比0擊敗海地，手執3分諗住有個好開始，點知上場輸畀摩洛哥，雖然話3分都有得爭最佳第3，不過今場最好可以喺巴西身上搶到1分，甚至唔覺意贏埋，咁就穩陣。表面上「森巴兵團」實力比蘇格蘭強，但巴西除咗上場對海地贏3比0外，之前6仗全部有失波。更值得留意嘅係，巴西呢6場失波，有5場上半場已失守，只要蘇格蘭領隊奇勒能夠針對呢點部署，絕對有偷襲機會。

摩洛哥搶轟海地撐半W
巴西上場對海地，領隊安察洛堤轉陣出擊，由馬菲奧斯根夏取代伊戈泰亞高即刻見效，呢名曼聯射手梅開二度，預計今場都會繼續正選，至於因傷退下火線嘅拉芬夏比洛尼倦勤，上場頂替佢位置嘅小將拉恩域陀表現對辦，今場正選機會應該喺尼馬之上，巴西整體攻力唔會明顯下降。蘇格蘭形勢上有機會因要搶分採取主動，「森巴兵團」正好利用空位反擊，佢哋近4場上半場全開2球或以上，半場大值得留意。

同組另一場摩洛哥對海地，「北非雄師」踢法進取，近4場3次已經半場領先對手，遇正已經出局嘅海地，更加要先下手為強，早早奠定勝局全取3分，下半場可以「印印腳」睇住蘇格蘭同巴西點樣互劈，熱捧半場主勝。