[东方报]歐霸：搶W拉唔住搶W拉唔住[08-06]

十七号

歐洲賽進行得如火如荼，唔少具知名度球隊陸續登場，歐霸盃第3圈外圍賽首回合，蘇超班霸格拉斯哥流浪將作客波蘭球隊積基朗尼亞，講名氣「格流」佔優，但論狀態，積基朗尼亞更勝一籌，聯賽開季兩戰兩勝之外，計埋熱身賽，合共取得5連勝，今場必定乘勝追擊，主W值博。（周五凌晨零時開賽）

積基朗尼亞實力唔錯，有份參加上屆歐協聯，並晉級淘汰賽附加賽，兩回合合計戰至加時，僅不敵意甲球隊費倫天拿，絕對唔嘢小。呢支波蘭奇兵今季「升呢」踢歐霸盃，更加要把握機會做齣好戲，球隊最大優勢係7月初就展開集訓及踢熱身賽，波蘭聯賽亦已進行兩輪賽事，所以積基朗尼亞球員已經上晒力。

反觀格拉斯哥流浪比較遲開操，備戰工作倉促，結果上場首輪蘇超僅逼和登地聯1比1，球員明顯未操起狀態，千里迢迢遠赴東歐比賽，體力難免輸蝕。再睇埋「格流」上屆歐霸盃「聯賽階段」8戰只有1勝1和6負，未夠班喺呢項賽事立足，積基朗尼亞有力先下一城。

賓菲加主場出擊炒赫斯
另1支蘇超球隊赫斯作客賓菲加，雙方實力有一段距離，葡超勁旅賓菲加上圈首回合作客曾意外1比2不敵聖加倫，幸好次回合主場大勝5比0晉級，吸取教訓後，今次主場必定全力出擊大炒赫斯，以免夜長夢多，直取上盤。