[东方报]歐冠：曼城穩陣波博半場和[09-08]

august

英超勁旅曼城今季重建，喺聯賽開局順風順水，不過今場歐聯要作客葡超班霸波圖，將會面臨惡戰。波圖喺火龍球場出擊戰績彪炳，對住仲需要時間磨合嘅曼城，絕對有能力抗衡。「藍月亮」依家未完全撻着，作客葡萄牙會穩打穩紮，唔會輕舉妄動，開半場和機會高。（Now 643周三凌晨3時直播）

曼城季前重金買入艾利洛安達臣、安素費南迪斯、保亞迪、伊利文尼戴耶等球星，成條中場改頭換面，要求佢哋即刻踢出昔日哥迪奧拿時代水銀瀉地嘅進攻，絕對係唔合符現實，上場聯賽1比0小勝高雲地利，穩中求勝係現階段「藍月亮」最想要嘅結果，唔會急於搶攻。歐聯賽事從來不易，尤其作客更加唔會輕易佔到上風，曼城近5次喺歐聯對住葡超球隊，就有4次開出半場和。

波圖主場有力抗衡
波圖以葡超冠軍身份重返歐聯，佢哋係歐聯常客，經驗非常豐富，而且今季葡超開季取得5連勝，前鋒安達施華、中場加比爾維加、門將迪奧高哥斯達身經百戰，攻守兼備不容小覷。波圖近6場歐洲賽主場有5勝1和佳績，絕對有能力同曼城抗衡，預料「藍月亮」早段會拖慢節奏先避鋒芒，博半場和好路。