[东方报]歐國聯：格仔軍留前鬥後吼半和[09-29]

august

歐國聯A3組兩支旗開得勝球隊次輪對碰，西班牙主場迎戰克羅地亞。「狂牛兵團」上場反勝英格蘭3比2，但面對同樣打傳控嘅克羅地亞，今場相信唔會咁大開大合，加強防守，加上「格仔軍」亦喜歡留前鬥後，近6場有5次開半場和，不妨再追。（周三凌晨2時45分開賽）

西班牙上場英格蘭激戰下反勝3比2，拉明耶馬取得入球，繼續於國家隊大放光芒，不過後防失咗2粒，係自舊年11月對土耳其踢成2比2之後，近12場第1次後防失多於1球。

西班牙轉Plan加強防守
由於中堅艾歷加西亞上場開賽前一刻受傷，再加上對完英格蘭之後，門將祖安加西亞及柏度樸路都退隊，「狂牛兵團」領隊今場相信會調整戰術，加強防守，要踢番出喺世盃期間滴水不漏嘅戰術。

克羅地亞上仗2比1擊敗捷克，莫迪歷以41歲之齡取得入球，另一老將比列錫亦交出助攻，不過球隊始終平均年齡較高，佢哋一向採取留前鬥後踢法，避免下半場體力下降。「格仔軍」近6場有5次開半場和，今場兩軍都會以控球在腳為主，再搵時機劏穿對方防線，預料上半場會以試探為主，半場和不妨再追。