[东方报]西甲：華倫巴塞射手大火併[10-29]

august

西甲焦點大戰，華倫西亞主場對巴塞隆拿，華倫射手卡雲尼狀態勇猛，近3場轟入4球，有力攻破對手大門。巴塞隆拿喺歐聯出局後，勢必全力爭奪聯賽錦標，作客都會搶攻；雙方近4次對賽總入球全開4球或以上，再追中位數3.5球嘅入球大。

卡雲尼今夏以自由身離開曼聯後，8月尾加盟華倫西亞，呢位35歲烏拉圭射手寶刀未老，經過一段適應期之後，愈戰愈戰，近3場聯賽都有波入，成為「蝙蝠兵團」破門利器。加上華倫西亞近5次聯賽主場迎戰巴塞隆拿，有4次先入波打開紀錄，可見佢哋喺地利優勢支持下，即使面對呢支傳統勁旅都毫不畏懼，今場入波機會非常高。

至於巴塞隆拿上仗歐聯以0比3不敵拜仁慕尼黑後，只能轉戰歐霸盃，球隊必定重視西甲多過呢項「二奶盃」，應會集中力量踢好聯賽。事實上，巴塞喺西甲走勢唔錯，近10場聯賽贏9場，前鋒羅拔利雲度夫斯基已有12球進帳，佢今場同卡雲尼鬥射術，有望合演入球騷。