[东方报]歐冠：捷斯托佐華藉地利除根[08-22]

十七号

周三凌晨歐聯外圍賽附加賽首回合，波蘭冠軍捷斯托佐華先喺主場出擊，惡鬥丹麥老牌勁旅哥本哈根。捷斯托佐華要爭取歷史性躋身歐聯分組賽，地利係佢哋最大武器，今仗會傾盡全力希望先拔頭籌，主勝值得支持。（周三凌晨3時開賽）

捷斯托佐華近年極速冒起，2021年先至首次出戰歐洲賽，上季歷史性首奪波蘭聯賽冠軍之後，今屆歐聯亦保持強大士氣同走勢，由第1圈外圍賽開始過關斬將，踢6場賽事有5勝1和佳績，當中3仗主場賽事都順利贏波，球員信心爆棚。

哥本哈根歐戰作客勁曳
哥本哈根雖然是歐洲賽常客，不過戰鬥力唔見特別突出，上屆歐聯分組賽6場不勝包尾出局，當中3場作客輸晒合共吞11蛋，近5場歐聯作客有4場被對手攻入至少3球。哥本哈根防守麻麻，上一圈都係靠互射12碼晉級，有一定幸運成份，捷斯托佐華憑主場氣勢有力開W。