[东方报]歐霸：法福熱刺鬥快搶半大[04-17]

十七号

歐霸盃8強次回合，德甲勁旅法蘭克福主場鬥熱刺，首回合兩隊打和1比1，今場為爭出線將會毫無保留。兩支球隊都崇尚進攻，想用自己最擅長嘅踢法提升贏波機會，相信一埋牙就會激烈駁火，1.5球半場大值得捧場。（Now 638周五凌晨3時直播）

法蘭克福首回合捱打，若非門楣兩次「幫手」，未必可以全身而退。不過法福主場相當醒神，喺地頭出擊可以踢番主攻老本行，佢哋係德甲入波第3多球隊，法國前鋒伊基迪基威脅力大，藉主場之利會盡力搶頭威，法蘭克福近3次歐霸賽事，半場全開2球或以上。

孫興民孭飛攻力有保證
熱刺踢法一向有前冇後，上場聯賽對狼隊入2球就失4球，後防弱不禁風，而且已經連續2場喺開波頭6分鐘先失，入局慢隨時先落後。不過熱刺有蘇蘭基、孫興民等高質前鋒，而且反擊速度亦快，作客同法蘭克福駁火都未驚過，相信上半場已經會演入球騷。