[东方报]意甲：進佔前4搏到盡 博洛尼亞主W有買趁祖[05-04]

august

今晚意甲尾場上演爭前4關鍵戰，「5哥」博洛尼亞主場硬撼「4哥」祖雲達斯。「博洛」一向靠主場搵食，今仗贏波即趕過對手，必定搏盡，加上「老婦人」新帥效應已過，主勝捧得過。（HOY TV 76台周一凌晨2時45分直播）

博洛尼亞踏入2025年後瘋狂發力，各項賽事打咗22場波，取得13勝7和僅2敗，唔單止收復季初失地重返前列，更進身意盃決賽。「博洛」雖然上仗被烏甸尼斯悶和失分，但依家僅落後「祖記」1分，只要今仗贏波便可殺上前4，而且佢哋今季靠主場搵食，近8次聯賽主場豪取7勝1和佳績，米蘭雙雄、拉素造訪此地都全失3分，榜首拿玻里亦要擺低1分，主場威力唔講得笑。

祖記耶迪斯停賽攻力受損
另邊廂，祖雲達斯之前怒炒莫達，搵嚟舊部杜陀領軍頂到季尾，一度出現小陽春，頭3仗獲2勝1和，但近2仗只得1勝1負，其中上仗更有進攻主力耶迪斯領紅被逐，今仗要坐波監，對進攻影響甚大。查實「祖記」近3仗客場都未贏過，就算杜陀上任後，2次作客亦只得1和1負，造訪主場特醒嘅「博洛」，凶多吉少。