[东方报]世盃歐洲：英格蘭嗒穩私房塞[09-09]

十七号

榜首大戰不容有失
世界盃歐洲區外圍賽K組上演榜首大戰，4戰全勝嘅英格蘭，作客3戰7分嘅塞爾維亞，將係出線權關鍵之役。英格蘭近期表現雖然受到批評，但勝在防守穩健，踢硬仗往往能夠穩中求勝，加上「三獅兵團」近年對塞爾維亞贏多輸少，今仗有望反客為主，推介客勝。（周三凌晨2時45分開賽）

英格蘭自年初由德國主帥杜曹執教後，整體演出並唔討好，最大詬病係面對實力較弱球隊，未有能力拎到壓倒性大炒。不過由「結果論」去睇，英格蘭喺杜曹麾下4場正式比賽全勝，而且仲1球不失，效果絕對唔差，當中最大原因係英格蘭防守堅固，只需把握到一、兩次機會就贏波。

英格蘭目前陣容經過多屆大賽洗禮，哈利卡尼、迪格蘭賴斯、拉舒福特、比克福特等合作多年，球隊穩定性好有保證，加上馬度基、摩根羅渣士等新人上位，對球隊帶嚟新嘅衝擊。杜曹領軍着重效率，就算場面上唔會太精彩，拎到最後勝利仍然有把握。

塞爾維亞表現飄忽
塞爾維亞實力比下有餘、比上不足，依家仍然靠阿歷山大米祖域、杜辛華荷域領軍，但兩位前鋒表現飄忽，上場對弱旅拉脫維亞亦僅勝1比0。今場雖然喺主場出擊，但英格蘭作客表現甚佳，近7場作客有6次贏波，今場有望反擊為主，客勝值博。