[东方报]英超：壓力盡卸追擊賓福特 曼聯復攻大壯聲威[09-27]

十七号

周六英超早場，賓福特主場迎戰曼聯。「紅魔鬼」上輪喺極度沉重壓力下，主場2比1擊敗Big6之一嘅車路士攞到「回魂3分」，大家都期望佢哋繼續谷底反彈；賓福特整體踢法相當積極，近5場聯賽4次開3球或以上，今仗主場迎戰曼聯，相信入球唔會少，首選2.5球入球大。（Now 621、611及631周六晚7時30分直播）

曼聯開季成績未盡如人意，前仗「曼市打吡」淨吞曼城3蛋後陷入信心危機，幸好上輪對車路士全取寶貴3分，包括領隊魯賓艾摩廉在內嘅全體職球員，都可以暫時鬆一口氣；曼聯今夏重金買入「新三叉戟」，以麥比奧莫表現最對辦，此子今場作客倒戈母會賓福特，肯定係全場焦點，至於馬菲奧斯根夏同班捷文施斯高，到目前為止仲係0入球0助攻，佢哋都好心急希望盡快「開齋」，鬥志唔使懷疑。

紅魔成敗還看般費
然而曼聯今場取勝關鍵，仍然係隊長般奴費南迪斯，呢位葡萄牙中場靈魂上場攻破車路士大門，係佢效力曼聯以來嘅第100球，而助攻亦多達86次，今仗繼續領軍出擊，曼聯入波亦將陸續有來；不過今場防中卡斯米路停賽，防守線進一步受削，難保唔會失波。

至於賓福特今夏出售多位主力，包括麥比奧莫轉投曼聯，甚至連主帥法蘭克亦離隊，今季新帥安祖斯接手兼新埋班下，球隊仍在適應階段，成績亦難復舊觀，開季至今5場聯賽只得4分，現時排榜下游嘅17位，要全力搶分；球隊踢法甚為主動，入得又失得，容易開出大比數賽果，包括主場試過2比2賽和車路士，今場對曼聯相信唔會有悶場，2.5球入球大值博。