[东方报]英超：曼聯殘陣焗宮捱細界[11-30]

十七号

今晚英超頭場，曼聯作客水晶宮。「紅魔」連續3場聯賽失分，馬菲奧斯根夏、班捷文施斯高等前線主力仲未好番，攻力大減，撞正防守硬淨嘅水晶宮，2.5球入球細乃不二之選。（Now 621及631周日晚8時直播）

早前一度3連捷嘅曼聯，近期突然跌Watt，近3仗聯賽只得2和1負。「紅魔鬼」戰績下滑，同傷兵潮有關，尤其係馬菲奧斯根夏、班捷文施斯高因傷缺陣，對進攻影響甚大，因為佢哋同麥比奧莫組成嘅3叉戟初見威力，突然冇咗兩把尖刀，仲要焗用雪到硬晒嘅約舒亞舒克斯，攻力再打折扣，其中上仗大部分時間打多個、全場撳住嚟打情況下，喺主場以0比1輸畀愛華頓，令人失望，相信短期內難有改善。

水晶宮防線超硬淨
另邊廂，水晶宮一向以硬淨見稱，今季聯賽踢咗12輪，只係失咗9粒，失波之少僅次於榜首阿仙奴，單計近4場聯賽僅失1球，全部開2球或以下，可見喺格拉斯拿麾下，呢支倫敦球隊防守固若金湯。更何況伊斯美拿沙亞、桑馬迪達等擅打反擊，令對手唔敢谷得太上。加上之前4次碰頭，有3次總入球係1球起、2球止，今仗唔慌多波入，細盤有計。