[东方报]西甲：兵源充足有保證 巴塞狂鋒撲擊床單軍[12-02]

十七号

西甲快車將會上演重量級戲碼，由巴塞隆拿主場迎戰「床單兵團」馬德里體育會，兩大勁旅近期走勢凌厲，巴塞喺聯賽4連勝，馬體會亦喺各項賽事連贏7場。不過，巴塞主場出擊始終係信心保證，而且近期有多位主將復出，鋒線攻力大增，加上近年對賽食住對手，捧主勝屬明智之選。（Now 632周三凌晨4時直播）

自從「國家打吡」輸畀皇家馬德里後，巴塞隆拿喺聯賽愈踢愈順，豪取4連勝後成功重登榜首，今場梗係要全力爭勝保住「1哥」位置。巴塞主場表現一向對辦，近9場主場拎到8場勝仗，平均每場攻入超過3球，最近4次喺地頭出擊都贏對手2球或以上，表現好有說服力。

拉芬夏上仗復出勁搶鏡
巴塞上場喺「新魯營」3比1輕取艾拉維斯，中場大腦柏迪傷愈復出、巴西翼鋒拉芬夏比洛尼亦喺重傷後首任正選，表現非常搶鏡，搞到拉舒福特、費倫托利斯等狀態大勇嘅前鋒都要屈居後備，球隊兵源充足無懼密集賽程，有力靠最強鋒力輾壓對手。

馬體會作客表現麻麻
另邊廂，馬體會近期亦都愈戰愈勇，不過佢哋作客表現一般，今季8場作客只有2勝3和3負，而且近年對住巴塞輸多贏少，之前9次交鋒，巴塞有7勝1和1負嘅壓倒性優勢，今場可以放心直取主勝。