[东方报]英超：後防欠穩以攻代守 曼聯鬥錘仔大有睇頭[12-04]

十七号

今輪英超快車壓軸好戲，曼聯喺主場奧脫福迎戰韋斯咸。曼聯3場不勝後上仗贏波反彈，韋斯咸則3場不敗後輸波，不過兩軍後防同樣唔多穩陣，「紅魔鬼」近6場全部有失波，「錘仔幫」就近5場未能保持不失，預計雙方以攻代守，藉此掩飾防守漏洞，3.5球入球大玩得過。（Now 621及611周五凌晨4時直播）

曼聯聯賽3場不勝之後，上仗作客水晶宮先落後1球下，驚險反勝2比1，雖然打開近期勝利之門，但後防演出仍然欠穩，近5場全部有失波，當中3次開4球或以上，今晚返到奧脫福出擊，喺主場球迷吶喊鼓動之下，預料領隊魯賓艾摩廉會以攻代守，不斷搶攻。

未計今輪，曼聯現時排聯賽榜第7位，同前4只係差3分，由於嚟緊有非國盃，阿密特迪亞路、麥比奧莫及馬沙拉奧都要為國家隊征戰，今場肯定搶得就搶，而且賽前馬菲奧斯根夏已經跟操，上場約舒亞舒克斯及美臣蒙特亦取得久違嘅入波，艾摩廉手頭上有足夠攻擊手可用。

對賽有優勢韋斯咸放膽攻
韋斯咸剛於主場以0比2不敵利物浦，3場不敗後打回原形，球隊防守始終未能受壓，近4場均未能保持不失，合共失7球，當中3次開4球或以上。不過今場又唔能夠睇低「錘仔幫」機會，事關佢哋近5次鬥曼聯，竟然錄4勝1負佳績，當中唔少入波功臣，包括查洛保雲同湯馬士蘇錫克仍然在陣，有機會攻破曼聯大門。既然雙方入得又失得，簡單啲捧入球大就搞掂。