[东方报]歐冠：車路士蓄銳大展拳腳[12-09]

十七号

阿特蘭大同車路士都好大機會爭取歐聯前8直接出線，今場正面對碰，肯定各不相讓，主場嘅阿特蘭大踢番最耍家嘅主攻踢法，而「車仔」今屆5場歐聯4次開3球或以上，2.5球入球大抵玩。（Now 638周三凌晨4時直播）

阿特蘭大炒教練祖錫後，委任前費倫天拿教練柏拿甸奴後成績反彈，歐聯作客大勝法蘭克福3比0，意甲及意盃均錄得勝仗，走勢不俗，主要原因係之前祖錫嘅沉悶戰術有違球隊「性格」，話晒「阿大」係上季意甲入球第2多球隊，依家柏拿甸奴解放番球隊嘅進攻力，成績自然穩步上揚。

阿特蘭大搶分冇得縮
作客嘅車路士早前有高爾彭馬復出，最重要係卡些度喺聯賽停賽，留晒力喺歐聯搏殺，中前場夠晒威力。事實上「車仔」與阿特蘭大同樣喺歐聯5戰3勝1和1負，今場直接出線6分波，兩隊都冇得縮。

車路士上輪歐聯曾大勝巴塞隆拿3比0，今場歐聯會繼續認真對待，球隊近5場歐聯4次開3球或以上，經常開出大比數，今場入球大睇高一線。