[东方报]德甲：萊比錫柏板追打落水狗[12-12]

十七号

德甲獨腳戲，柏林聯主場迎戰RB萊比錫，柏林聯狀態持續低迷，各項賽事3連敗，合共失8球，防線弱不禁風。反觀第2位嘅RB萊比錫愈戰愈勇，近4仗取得3勝1和，包括上場聯賽大勝法蘭克福6比0，有力反客為主，直取客勝。（Now 639周六凌晨3時30分直播）

柏林聯過去兩季只能為護級而戰，今季情況仍然冇起色，踢13場聯賽僅4勝3和6負，包括盃賽在內，近8仗僅1勝，最離譜係近兩場德甲遇上同屬下游分子嘅海登咸、禾夫斯堡，都輸波收場，嚴重打擊士氣。上年12月臨危受命接手領軍嘅教練班加特似乎已經黔驢技窮，隨時有下台危機，軍心不穩之下，更加難翻身。

柏林聯連敗軍心不穩
至於RB萊比錫落後榜首拜仁慕尼黑8分，為保持爭標機會，不容有失。上場鬥歐聯分子法蘭克福採取主攻踢法，結果大炒對方6蛋，前鋒恩迪奧文迪上演「帽子戲法」入3球，加上中場巴姆加特拿亦具備優秀入球能力，足以攻陷柏林聯大門。