[东方报]英超：踢得穩陣最實際 紅軍唔敢谷半和收禮[12-13]

十七号

英超「紅白大戰」利物浦對白禮頓。「紅軍」利物浦剛喺歐聯1比0險勝國際米蘭，近4場2勝2和，成績逐漸回穩，球隊最大改變係近期認清現實，加強防守，盡量避免後防大意失波，當中上半場尤其明顯，近4場全開半場和；「海鷗」近兩場亦全開半場和，作客更加唔會亂攻，今場半場和高唱入雲。（Now 621及611周六晚11時直播）

利物浦早前連場落敗，又變番以前嘅「利記海鮮」，班球員輸到懷疑人生，球隊高層同領隊施洛都意識到，利物浦今季再唔係爭標球隊，每場波唔係點去贏人哋，而係先做好自己，至少唔好再因為成隊谷晒上去進攻，回防不及而失波，近期最明顯係上半場，近4場全開半場和，半場比數全部都係0比0。

調整陣容方面，施洛第一件事係收起唔回防嘅穆罕默德沙拿，中場用番上季賴以成功嘅鐵三角蘇保斯拉爾、阿歷斯麥亞里士打同賴恩格雲貝治打逼搶，進攻球員艾基迪基、阿歷山大伊沙克同域斯冇波在腳都要返後搶波，總之穩陣行先，所以近期利物浦咁多場開半場和。

要埋蘇保任何時間入球&和波
白禮頓近況的確唔錯，近6場僅輸1場，老牌射手韋碧克同全能中場迪亞高高美斯今季各累積攻入7球，利物浦後防肯定會嘜實佢兩個，比賽初段互有顧忌，加上白禮頓作客唔敢亂咁攻，半場和機會甚高。此外，今場睇中同場過關「蘇保斯拉爾任何時間入球＆全場和」，有成15倍咁多，不妨一試。