[东方报]非國盃：喀麥隆搶Ｗ威比你睇[12-31]

十七号

會長伊度奧入場打氣
喀麥隆喺決賽周前出現換領隊風波，舊領隊拜斯拒絕被足總會長伊度奧炒魷，更自行公布非國盃大軍名單；經過一輪擾攘，最終伊度奧贏出呢場「宮廷戲」，喀麥隆體育部長宣布拜斯辭職，其後由新領隊柏哥公布嘅名單，就冇咗門將奧拿拿及前鋒祖普莫亭等名氣球星。

科特迪瓦攻力弱獻細
喀麥隆專心出戰決賽周，分組賽先小勝加蓬1比0，再與奪標熱門科特迪瓦踢成1比1，目前攞住4分喺手，已經提早出線，不過「非洲雄獅」以往6次鬥莫桑比克錄得全勝，今場喺傳奇球星兼會長伊度奧入場打氣下，絕對唔會咁衰仔和波就算，贏波3分一定要到手。

至於另一場加蓬對科特迪瓦，渡邊年就睇好入球細。科特迪瓦欠缺衞冕球隊嘅霸氣，一路以來球隊表現守強攻弱，近4場全開2球或以下，今場客Ｗ賠率略低，不如轉玩中位數2.5球入球細好過。（Now 638周四凌晨3時直播）