[东方报]非國盃：連和5場韌力足 馬里唔赦塞內加爾[01-09]

十七号

非國盃8強馬里對塞內加爾，馬里化身「和波專家」，各項賽事近5場法定時間全部打和，包括上場16強對突尼西亞，大部分時間踢少1人激戰120分鐘仍然不分勝負，最終憑互射12碼勝出，可見佢哋韌力十足，塞內加爾實力雖強，但遇上馬里死纏爛打，法定時間內未必分到勝負，馬里受讓半一，下盤抵玩。（Now 638周六凌晨零時直播）

塞內加爾今屆強陣出擊，3箭頭尼高拉斯積遜、沙迪奧文尼、伊斯美拿沙亞在陣，球隊踢法亦相當進取，非國盃4戰取得3勝1和攻入10球，不過細心睇呢4場波，好大程度上因為對手比較弱，只係贏博茲瓦納、貝寧同蘇丹，對住實力稍強嘅剛果民主共和國就賽和1比1，可以話未受真正考驗，遇上防守穩固嘅馬里，隨時老鼠拉龜無從入手。

摩洛哥近4場3開細
馬里表現非常穩定，無論對住奪標熱門摩洛哥同實力分子突尼西亞，定係陪跑嘅贊比亞同科摩羅，一律和氣收場，佢哋嘅踢法就好似外賣仔用「金蛇纏絲手」鬥空手道大師兄咁緊纏對手，喺淘汰賽用嚟偷雞就最啱用，今場捧下盤之餘，不妨捧埋和局。

玩埋另一場8強摩洛哥對喀麥隆，喀麥隆開賽前夕仲鬧緊雙胞，人腳唔齊之下入到8強都算神奇，今場對住東道主摩洛哥，難免要捱打，不過摩洛哥亦欠缺霸氣，近4場3次開2球或以下，今場入波唔會多，捧2.5球入球細。