[东方报]意甲：國米主場開火大薩四方[01-23]

十七号

周六凌晨意甲賽事，啱啱喺歐聯輸波嘅國際米蘭，將會喺主場迎戰弱旅比薩SC，為洗脫烏氣兼鞏固榜首位置，今場必定火力全開。不過，比薩SC即使實力麻麻，但踢法「大無畏」，作客一樣會同對手鬥攻，今場博入球大（3.5球）係最佳選擇。（Now 638周六凌晨3時45分直播）

比薩SC鬥攻博偷雞
國米喺周中歐聯1比3輸畀阿仙奴，防線表現令人失望，相隔3日就再上戰場，對手只係今季僅得1勝嘅比薩SC，肯定會力爭大勝出氣。國米近9場聯賽8勝1和，主場出擊亦非常進取，近4場聯賽主場入咗10球，拿達路馬天尼斯、比奧艾斯普薛圖等前鋒會盡情數胡，入球夠晒保證。

比薩SC雖然係「降班膽」，不過佢哋心態夠正面，作客都唔會一味死守，同對手鬥攻反而頻頻有收穫，近7場作客有6次成功搶分，當中5場開出2比2波膽，夠晒刺激！比薩SC近8場作客有6次總入球開4球或以上，今仗好可能又係大手交易，入球大（3.5球）抵玩。