[东方报]英超：卡域克掌舵魔性澎湃 曼聯大鬧兵工廠[01-25]

十七号

英超爆發「仙魔大戰」，阿仙奴主場激鬥曼聯，榜首「兵工廠」銳不可當，逐漸拋離兩支爭標勁敵曼城及阿士東維拉，並剛於歐聯贏波提早出線，士氣非常高昂，當然要繼續主攻乘勝追擊。曼聯上仗由新帥卡域克領軍，贏出「曼市打吡」大大振奮軍心，「紅魔鬼」新戰術之下，進攻比以往銳利及有效率，加上近10場聯賽作客有9次總入球開3球或以上，一於再追中位數2.5球嘅入球大。（Now 621及611周一凌晨零時30分直播）

阿仙奴各項賽事近4場都作客，仍然取得3勝1和，合共轟入10球，包括英聯盃4強首回合贏車路士3比2，上場歐聯以3比1擊敗國際米蘭，可見「兵工廠」攻力相當強大，即使傳統豪門球隊都難以招架。

事實上，阿仙奴進攻招數甚為多元化，除咗約基利斯、加比爾捷西斯、布卡約沙卡等鋒線球員具備出色入球能力外，中場迪格蘭賴斯、米基爾馬連奴後上射門亦非常具威脅，加上「必殺技」角球戰術，往往成功爭取入波，令對手防不勝防，攻破曼聯大門機會相當高。

紅魔爭前4無懼鬥攻
曼聯由卡域克接手執教後，立即改為4231，採取快速反擊踢法，防守有明顯改善之外，進攻效率亦大為提升。上場「曼市打吡」贏曼城2比0，比賽過程之中，「紅魔」仲有2次中柱中楣，3次入波食詐胡，表現極具侵略性，尤其係前鋒麥比奧莫速度快，新戰術對佢更有利。

最重要係曼聯換帥後，球員士氣同信心返晒嚟，現時目標非常清晰，要爭入前4位參加下屆歐聯，必定每場都搏盡，無懼同阿仙奴鬥攻。