[东方报]意甲：拿玻里專打硬仗唔赦祖記[01-25]

十七号

今晚意甲上演兩場前列大戰，早啲開波有祖雲達斯主場鬥「3哥」拿玻里。祖記上輪聯賽倒灶輸畀卡利亞里，難免被打窒道氣，拿玻里硬淨唔易輸，尤其係聯賽強強對壘特別醒神，「讓球主客和」有得受讓咁筍，讓球客勝（+1）咪錯過。（Now 638周一凌晨1時直播）

祖記上輪聯賽大意輸畀護級分子卡利亞里，之前6場聯賽5勝1和強勢被打窒，雖然上周中歐聯擊敗賓菲加，但表現唔太標青，而且佢哋再上一次聯賽落敗，正正係上年12月輸畀拿玻里。

另邊廂，近5仗只得1勝4和嘅拿玻里，梗係想力求反彈，干地打親大戰零舍醒神，今季聯賽對住國米（2次）、A米、祖記、科木、羅馬及阿特蘭大，只係輸過1場咁大把，祖記冇本錢讓波，讓球客勝（+1）乃信心之選。

A米悶蛋足球細鍊羅馬
至於尾場有「4哥」羅馬主場硬撼「2哥」AC米蘭，A米近5仗有4次開2球或以下，可見主帥阿里基又開始玩悶蛋足球，今仗造訪羅馬唔慌多波入，捧2.5球細盤最上算。（Now 638周一凌晨3時45分直播）