[东方报]英超：阿仙奴抖夠 速擒列斯聯[01-31]

十七号

頭場有英超「1哥」阿仙奴作客列斯聯，「兵工廠」希望一洗上場不敵曼聯嘅烏氣，周中歐聯畀全部主力休息，照樣實現8戰全勝完美出線紀錄，相信可以重振士氣。「兵工廠」今場傷疲盡起，兼有超強作客成績同對賽往績支持，列斯聯頂唔住阿仙奴搶韁壓力，半場客勝博得過。（Now 621周六晚11時直播）

阿仙奴上輪聯賽輸波，但仍領先曼城同阿士東維拉4分，佢哋今季演出非常穩定，就連作客比賽都好醒神，最近7場作客拎到6勝1和，而且經常能夠先聲奪人，呢7場作客有5場喺上半場已經領先。最大原因係主場球隊多數唔會踢得太保守，令阿仙奴嘅反擊大派用場。

夏維斯回歸火力更盛
阿仙奴早前因賽程緊密，令表現出現回落，不過周中3比2贏卡拉特嘅歐聯，幾乎所有主力都休息，而且仲有夏維斯同卡拉費奧利傷愈復出，實力如虎添翼。夏維斯回歸首任正選即有1入波同1助攻，大大提升阿仙奴進攻力量，撕破列斯聯防守唔係難事。

列斯聯球員踢法勇悍，靠鬥志、體力同列強周旋，不過面對控制力強嘅阿仙奴難有作為，翻查兩隊近7次對賽，阿仙奴全部贏晒，當中有6場更加係上半場已經「派蛋」領先，今場一於再追半場客勝。