[东方报]意甲：卡利亞里兇狠羅馬細守城池[02-09]

十七号

今輪意甲壓軸戰，羅馬主場惡鬥卡利亞里。「雌狼」今季守強於攻，經歷上仗大意輸波，加上對住來勢洶洶嘅卡利亞里，必定小心為上，2.5球細盤好路。（Now 638周二凌晨3時45分直播）

羅馬今季以保守見稱，單計聯賽23輪入得27球，係前列分子當中入波最少球隊，同時僅失14粒，防守之佳冠絕意甲群雄，以主帥加斯柏連尼一向進攻大過天嘅理念，確係估佢唔到。不過「雌狼」近況麻麻，各項賽事連續3場未贏過，其中上場聯賽更大意不敵中游分子烏甸尼斯，未計今輪，落後第4位嘅祖雲達斯2分，上場輸波對爭下屆歐聯入場券打擊唔細，唔會再輕舉妄動，佢哋近5場全開2球或以下，今場都係小心為上。

近3次碰頭夾埋入2粒
今季一直徘徊下游嘅卡利亞里，近期突然回勇，近8仗聯賽獲4勝2和2負，狂搶14分，已經甩開降班區10分，單計近3仗更加贏晒，手下敗將包括祖雲達斯，唔講得笑，亦令到羅馬更加有所顧忌。睇埋近3次碰頭，兩軍夾埋入得2粒咁大把，非常謹慎，今場唔慌多波入，細盤有計。