[东方报]英足盃：阿仙奴出副選半細啱數[03-07]

十七号

英足盃16強上演懸殊之戰，甲組仔曼斯菲主場越級挑戰英超榜首阿仙奴，論整體實力肯定係兵工廠遠勝一籌，但考慮到有歐聯後顧之憂，領隊阿迪達應該會以副選應戰，不宜高估。加上曼斯菲勢必屯重兵防守，上半場體力仍然充沛，有力同對手周旋，中位數1.5球嘅半場細值博。（Now 651周六晚8時15分直播）

曼斯菲主場「泊大巴」死守
曼斯菲排英甲16位，卻可以晉級英足盃16強，證明球隊踢盃賽特別有心得，代表作一定係上圈作客以2比1擊敗般尼，今仗再遇英超兵團，有助增強爆冷信心，前提一定要避免先失波，否則一旦落後，想攻入阿仙奴大門收復失地，就非常困難。因此，預料曼斯菲會「泊大巴」死守，希望能夠悶和，博互射12碼決勝負，以佢哋近8場有7次上半場總入球開1球或以下嘅情況下，比賽初段有氣有力，應該頂得兩嘴。

另邊廂，阿仙奴最大目標始終係爭奪英超及歐聯錦標，本地盃賽只屬次要，加上將於下周四凌晨歐聯16強首回合作客利華古遜，主帥阿迪達今仗更加有大條道理收起主將留力踢歐聯。雖然兵工廠副選人腳不俗，但默契方面難免稍遜，尤其係屆時可能派出年輕小將擔任正選，更加需要時間磨合，上半場未必發揮出應有水準，要攻破曼斯菲「鐵桶陣」並非易事，半場細穩開。