[东方报]英超：曼城出招錘仔半場難頂[03-14]

十七号

英超第2位曼城今輪作客韋斯咸，「藍月亮」上場歐聯16強首回合吞皇馬3蛋，翻身機會渺茫，應會集中力量爭奪聯賽錦標，勢必強攻對手，全取3分而回。曼城往往先下手為強，近4場聯賽上半場全部領先，如果嫌客勝太熱冇肉食，可直取半場客勝。（Now 621周日凌晨4時直播）

曼城落後緊榜首阿仙奴7分，但踢少1場，雙方將會喺4月聯賽交鋒，「藍月亮」仍有機會反超前「兵工廠」，前提係餘下9場聯賽要全勝，必定每場都搏命。

加上曼城一向食住韋斯咸，雙方近7次對賽，「藍月亮」獲得全勝，其中近4次交鋒，曼城都係上半場領先，今仗只要使出真功夫，應該可以速戰速決。

韋斯咸質庸兼兵疲
至於韋斯咸本身實力已經低過曼城一大截，加上上場英足盃同賓福特激戰120分鐘，憑互射12碼勝出晉級，耗力甚大，體力難免比較輸蝕，更加招架唔住「藍月亮」強勁嘅火力。「錘仔幫」需要搶分護級，焗攻之下隨時輸得更慘。