[东方报]歐冠：得番海鮮味冇鑊氣 利物浦半場細起筷[03-18]

十七号

今晚繼續上演歐聯16強次回合，焦點大戰有首回合輸0比1嘅利物浦，返晏菲路主場再鬥加拉塔沙雷。「紅軍」必須贏波收復失地，不過都要提防被對方打反擊，所以都會做好防守，佢哋近9場半場8次開1球或以下，預計初段入球唔多，加拉塔沙雷有領先優勢，更加唔同你急，首選1.5球半場細。（Now 643及644周四凌晨4時直播）

利物浦早前好咗一輪，但近期「利記海鮮」又開檔，上場聯賽對熱刺尾段失守被逼和，原來係佢哋今季聯賽第8次「臨尾香」，所以今季玩呢隊波就要「逆思考」，研究重點再唔係睇佢有咩優點，而係睇隊波有咩唔掂；今季利物浦踢得最似樣，只得個蘇保斯拉爾，其他全部都好平庸，進攻板斧欠奉，翻盤能力有限。

睇番首回合，邪神除咗捧加拉塔沙雷讓球主勝中到應，仲玩咗少少半場和，點知利物浦真係渣，一開波就失守，跟住一路輸到尾，嗰場波雙方控球各佔50%，加拉塔沙雷射門11射5中，利物浦15射6中，進攻數據差唔多，證明兩隊冇乜高低，今場利物浦讓到球半、兩球，絕對係讓多咗。

加拉塔沙雷1球在手唔同你急
目前加拉塔沙雷1球在手，今場只要和波或保持不失球即可晉級，形勢相當有利，佢哋有神鋒域陀奧森漢，今場首要目標係屯重兵於後防，拖慢比賽節奏再伺機反擊；可以預見，利物浦今場想贏，但有心冇力，就算好彩入到波，都唔排除再度「臨尾香」，所以今場捧半場細之餘，可以玩埋加拉塔沙雷+2嘅讓球客勝。