[东方报]英超：4冠王頭關鬥宿敵 曼城阿仙奴細踢爭氣波[03-22]

十七号

今晚喺溫布萊球場上演英聯盃王者戰，由英超「1哥」阿仙奴硬撼「2哥」曼城，爭奪今季英格蘭首項錦標之餘，亦關乎兩軍餘下球季嘅命運走向。作為爭做「4冠王」首關，以阿仙奴一貫求穩風格，決賽會更加小心翼翼。曼城日前歐聯出局，為止跌反彈一定搏盡，加上近年決賽例少交收，2.5球入球細不容錯過。（無綫myTV SUPER周一凌晨零時30分直播）

今仗勝負，唔單止決定英聯盃冠軍誰屬，亦對雙方餘下賽季發展有深遠影響。阿仙奴今季劍指「4冠王」，首關就係今仗英聯盃，贏波梗係開心，但若果不幸輸波，隨時令形勢此消彼長，過去幾季「亞軍奴」嘅心魔繼續揮之不去，打擊之後爭逐聯賽、英足盃同歐聯嘅信心。

查實阿仙奴歷史上只曾2奪英聯盃，上一次已經係33年前嘅事，其後3次入決賽均失冠，包括2018年輸畀今仗對手、由哥迪奧拿率領嘅曼城，心理上點都有啲輸蝕。因此「穩陣派」主帥阿迪達唔會介意外界批評佢哋保守嘅球風，力求悶悶地贏，單計近5仗有4次開2球或以下，以加比爾馬加希斯與威廉沙列巴為首嘅防線，成為爭奪今季首冠嘅保障。

近5屆決賽4開2球或以下
另邊廂，曼城啱啱喺歐聯16強遭皇馬淘汰，若能勇奪英聯盃有助重振軍心，唔好忘記佢哋對後上奪冠嘅經驗豐富，而且之前6次闖入英聯盃決賽全部封王，不過射手艾寧夏蘭特近期腳風欠順，難免影響攻力。睇番近5屆英聯盃決賽，有4次法定時間開2球或以下，而兩軍近6次碰頭，亦有4次總入球係1球起、2球止，可見「達Sir」近年對親師傅哥迪奧拿，都係穩陣行先，決賽場合隨時踢得更保守，2.5球入球細係不二之選。