[东方报]國友賽：眾將爭上位狂牛半W起塞[03-27]

十七号

世盃冠軍熱門之一嘅西班牙，將會喺主場同塞爾維亞踢熱身賽。今次作為世盃點兵前重要檢閱，「狂牛兵團」眾星為爭取機會，開波必定搶韁，塞爾維亞實力有限頂唔住，西班牙半場主勝捧得過。（周六凌晨4時開賽）

西班牙世盃外6戰5勝1和狂入21球，領隊富安迪要趁今次國際賽挑選精英踢決賽周，預料正選會派出最強陣容，由拉明耶馬、洛迪卡斯簡迪等領軍，下半場再試用其他球員。

塞爾維亞青黃不接
事實上，西班牙向來入局快，近9場比賽有8場喺上半場已經領先，其中6場世盃外，有3場喺半場已經領先3比0。塞爾維亞冇份踢世盃，今場係為歐國聯做定準備，不過球隊青黃不接，只能繼續靠老將撐住，熱身賽唔會太上心，西班牙半場主勝穩開。