英超深夜場有利物浦對富咸。「紅軍」近況低迷，上場歐聯8強首回合作客巴黎聖日耳門，「泊大巴」失敗淨吞兩蛋，幾日後嘅次回合要打生死戰，今場夾喺中間難免有保留，而且佢哋近5次對富咸只贏過1次，今場冇能力贏波，推介讓球客勝（+1）。（Now 621及611周日凌晨零時30分直播）
利物浦近期又失魂，近3場全敗，包括聯賽不敵白禮頓，英足盃大敗於曼城出局，同埋上場歐聯輸畀ＰＳＧ，聯賽、英足盃、歐聯3條戰線全部冚旗，特別係近兩場輸畀曼城同ＰＳＧ，比賽過程中全無還手之力，球員踢到懷疑人生，士氣直插谷底，仲要為下場再鬥ＰＳＧ嘅生死戰做準備，今場未必去盡，主勝捧唔過。
富咸唔覺唔覺依家排緊第9位，佢哋對上一場比賽係上月尾3比1贏般尼，到依家隔咗3個禮拜，多位傷兵例如堅尼迪迪、夏里遜列特同奇雲巴錫都可復出，今場強陣壓境；再者佢哋一向唔驚利物浦，記得去年4月初「紅軍」奪冠在望，但對富咸都要輸2比3，雙方近5次對賽各得1勝3和1負，富咸受讓捧得過。
羅拔臣宣布季尾離隊
今場賽前仲有單消息，就係繼沙拿之後，「紅軍盛世」另一台柱安德魯羅拔臣宣布季尾約滿後自由身離隊，結束9年利物浦生涯，球會官方形容羅拔臣係「紅軍傳奇」，但佢嘅告別儀式推遲到球季完結後先舉行。
| 
发表于 