[东方日报]欧冠：薩爾斯堡鬥西維爾 求晉級做大事[12-08]

august

歐聯分組賽G組充滿變數，排次席嘅薩爾斯堡今晚主場迎戰第3位嘅西維爾。呢組出線形勢相當微妙，4支球隊都仲有出線機會，非勝不可嘅西維爾盡地一煲必定搶攻，主隊雖然只需不敗即可晉級，但呢支奧地利班霸向來係主攻型，生死戰必以最拿手戰術迎敵，2.5球入球大必捧。

薩爾斯堡目前以7分排第2位，雖然近兩輪都輸波，但今仗只要唔輸就能夠晉級。薩爾斯堡重返主場氣勢截然不同，球隊喺以往艾寧夏蘭特及達卡在陣時，已經大踢進攻足球，依家亦有德國天才射手艾迪耶美領軍，絕對唔會龜縮求和。佢哋近7場歐聯主場出擊，有6場總入球達3球或以上，進攻意欲極強。

西維爾盡地一煲冇保留
西維爾原本被視為呢組出線大熱，但5輪過後只贏過1場，陷入出局劣勢，不過今場目標非常鮮明，只要作客贏波就可以出線，球員喺破釜沈舟決心下必會盡地一煲，前鋒拉菲爾美亞近期腳風頗順，上場聯賽亦以1比0力挫維拉利爾，暫時喺西甲排名次席，士氣相當唔錯，有望同薩爾斯堡駁火。