[东方报]歐霸：屈堅斯叉足電反擊戰 維拉出齊剷平森林[05-07]

十七号

歐霸盃4強次回合再次上演「英超內訌」，阿士東維拉落後1球之下，返回主場再鬥諾定咸森林。維拉領隊艾美利出戰歐霸經驗豐富，加上球隊於主場6次出戰歐霸全勝，主場出擊信心有保證。森林雖然近9場不敗，但近4次作客維拉公園球場全部輸晒，今場簡單捧主勝。

（Now 643周五凌晨3時直播）

森林首回合憑一個12碼小勝1比0，但全場波相對被動，維拉輸個手球其實幾無辜，不過咁樣斷咗歐霸9連勝強勢，反而可以令球員及主帥艾美利更加認清形勢，唔好忘記艾美利係「歐霸之王」，佢打呢類兩回合淘汰賽經驗老到，返主場絕對有力收復失地。

事實上維拉喺主場火力強勁，8強曾經以4比0大炒博洛尼亞，歐霸主場亦獲6連勝，而且佢哋喺英超有走盞位失分，上場聯賽對熱刺就收起奧尼屈堅斯、阿馬度奧拿拿及柏奧托利斯等主力，專心喺今場搏殺。

博好分玩埋晉級隊伍
另邊廂，諾定咸森林首回合只係領先1球，次回合作客預料佢哋踢法會偏向保守，始終球隊喺英超仍未擺脫降班危機，而且大戰經驗方面稍遜，難免患得患失，加上近4次作客阿士東維拉全部輸晒，再訪「凶地」相信亦難逃一劫，主勝值得熱捧；如果想賠率好分啲，可以向「晉級」埋手。