[东方报]英超：車仔狼隊鬥踢守細波[05-07]

august

今晚英超車路士主場迎戰狼隊。車仔仍未穩袋下屆歐聯入場券，必踢得謹慎；狼隊守強攻弱，客場例必擺鐵桶陣，2.5球入球細可捧。

藍戰士箭頭失信心
「藍戰士」車仔近4仗聯賽只得1勝1和2負，包括上仗不敵愛華頓0比1，依家領先第5位嘅熱刺5分，連主帥杜曹都承認若然繼續失分，前4隨時不保，今仗必定小心翼翼。早前頻有士哥嘅德國孖寶夏維斯及迪姆華拿，連續3仗交白卷，貴價兵盧卡古踏入2022年後喺聯賽仲未開齋，信心盡失靠唔住，令杜曹苦無對策。

狼隊仲有機會爭奪下屆歐協聯席位，佢哋今季17仗聯賽作客只入15粒，同時呢17場僅失13球，單計近6仗作客，有5場開2球或以下，打法非常保守，造訪強隊定必繼續玩龜縮。睇番兩軍近兩次碰頭俱互交白卷，預計今仗都係悶戰居多，不妨向入球細埋手。