[东方报]國友賽：最後拍跳強陣出擊 英格蘭要做大贏加[06-10]

十七号

英格蘭出戰世盃前終極備戰，喺奧蘭多撲擊中北美洲球隊哥斯達黎加。英格蘭上場1比0小勝新西蘭，演出未如理想，不過大軍喺美國集訓超過1星期後，相信適應同合作上都會大幅改善，加上多位主將回歸，戰鬥力有保證，今場爭取大勝振軍心，3.5球嘅入球大可取。（Now 619周四凌晨4時直播）

英格蘭一眾國腳經過漫長球季後，立即飛去美國備戰，炎熱天氣、時差同環境都要時間適應，上場對新西蘭未上力情有可原。英格蘭連日苦練後，狀態必有提升，加上布卡約沙卡、迪格蘭賴斯等主力歸隊，領隊杜曹可以排出心目中最強陣容，為首場分組賽撼克羅地亞做演練，決心唔細，相信會出力「打真軍」。

哥斯達黎加防守力勁曳
哥斯達黎加實力薄弱，今屆亦冇份參與決賽周，佢哋上場對哥倫比亞慘輸1比3，今年3月份更打和約旦2比2、再慘吞伊朗5蛋，防守力差到暈。哥斯達黎加近3場比賽，總入球全開4球或以上，今場對住哈利卡尼領銜嘅頂級鋒線，隨時被殺過片甲不留，3.5球嘅入球大抵玩。