[东方报]世界盃：老帶新經驗活力有齊比利時炸爆埃及[06-15]

十七号

世盃G組焦點之戰，比利時對埃及，「歐洲紅魔」比利時擁有英超力量加持，前中後3線人腳強大，近5場取得4勝1和，踢法攻守兼備。相比之下，非洲兵團埃及要靠穆罕默德沙拿支撐大局，呢位34歲老將近年狀態走下坡，恐怕獨力難支，簡單直取比利時主勝。(Now 618及616周二凌晨3時直播)

比利時今次大軍陣容以老帶新，既有奇雲迪布尼、盧卡古、韋素、高圖爾斯等沙場老將，亦有謝利美杜古、基迪拿尼、辛尼拉文斯等後起之秀，集經驗同活力於一身。尤其係曼城翼鋒謝利美杜古近期狀態大勇，最後6輪英超入3球及1次助攻，加上阿仙奴翼鋒李安度杜沙特，英超冠亞軍「雙翼」組合，非常具侵略性。

事實上，比利時今個月2場熱身賽，已經展現強大攻力，包括憑泰利文斯、盧卡古各建一功，贈克羅地亞兩蛋，並大勝突尼西亞5比0，當中5個入波由5位球員射入，可以話係周身刀、張張利，令對手防不勝防，要攻破埃及防線並唔難。

沙拿馬莫殊無復當年勇
另邊廂，埃及由兩位前鋒穆罕默德沙拿、馬莫殊孭重飛，其他球員名不經傳，大賽經驗輸蝕。最大鑊係沙拿年紀大，無復當年之勇，特別係今季狀態急速下滑，為利物浦上陣41場僅入12球，創下效力紅軍9年單季最低入波數字，加上早前宣布離隊，前途未明可能影響比賽情緒。至於馬莫殊只屬曼城副選，長期上陣時間不足，是否有足夠狀應付世盃大戰，實屬疑問。