[东方报]世界盃：逐層推進招呼約旦 奧地利慢攻出細貨[06-16]

十七号

J組首輪奧地利對約旦，奧地利由「逼搶之父」蘭歷克帶領下重視防守，只求贏波非常實際，近6場4勝1和1負，其中5次開2球或以下，遇正低位防守嘅約旦，奧地利就好似工人掘隧道咁要慢慢推進，預料今場都係攻防戰，奧地利主Ｗ太熱唔抵坃，不如向2.5球入球細埋手。（Now 618、616及馬會指定場外投注處周三中午12時直播）

奧地利自從4年前搵蘭歷克執教，踢法最明顯係更加整體，唔係再依靠一兩個球星解決問題，成功帶領球隊喺外圍賽突圍，以小組首名出線，成個過程踢8場只係失過4球。

奧地利靠不停跑動及壓迫踢法創造機會，球隊擁有前鋒猛將阿拿奧杜域，隊中星級球員阿拉巴亦可能要紮住上，對住死守嘅約旦，贏波都要花費唔少力氣同心思。

雙方球員身價懸殊
相對於球員身價高達5.8億歐元嘅奧地利，約旦球員身價夾埋只有1,953萬歐元。好彩約旦擁有效力雷恩嘅艾達馬利，佢具備一定速度及個人突破能力，令奧地利唔可以肆無忌憚咁齋攻唔守。

今場預料「紅黑兵團」可以控制戰局，但入肉埋門未必會好多，從觀賞角度未必好睇，但Lunch時間有波睇，從博彩角度玩番少少2.5球入球細，完場幫手埋單都唔錯。