[东方报]世界盃：最強攻擊群Vs黑白雙煞 神鋒大格鬥[06-30]

十七号

今晚世盃32強重頭戲，由法國火併瑞典。「高盧雞」唔單止分組賽全勝，以基利安麥巴比為首嘅鋒線，火力全開，瑞典有黑白雙煞阿歷山大伊沙克與約基利斯助陣，隨時以攻代守，大家駁火實多波入，2.5球大盤有計。（Now 618及616周三清晨5時直播）

上屆於決賽屈居亞軍嘅法國，今屆銳意捲土重來，喺I組3場贏晒狂轟10粒，除咗隊長基利安麥巴比及奧士文尼迪比利各有4球進帳外，PSG孖寶迪斯亞杜伊、巴特利巴高拿均已開齋，米高奧利斯雖冇波入但亦交出3次助攻，尤其係佢移入中路，令進攻更加暢順。唔好忘記，後備席上仲有馬古斯杜林、桑馬迪達同卓基等武器候命，攻力深不可測。

另邊廂，瑞典今屆表現大起大落，喺F組先狂數阿爾及利亞5比1，次輪鬥荷蘭卻輸番1比5，尾輪僅僅賽和日本後，成為其中1支最佳第3名晉級，佢哋好倚重鋒線黑白雙煞阿歷山大伊沙克與約基利斯數胡，仲有後上嘅耶辛艾耶利同快翼安東尼艾蘭加，攻力唔曳。

瑞典後防傷兵多勁薄弱
然而，瑞典弱點亦相當明顯，就係衰在防守不穩，今屆佢哋3仗已失咗7粒，而且守將域陀連迪路夫因傷上陣成疑，另一後衞伊薩希臣則受傷退隊，更難抵擋近12仗全開3球或以上嘅法國來犯，惟有以攻代守，捧2.5球嘅入球大更上算。