[东方报]英超：阿仙奴爭前4打鵲夠決心[05-16]

august

今晚英超獨腳戲紐卡素主場鬥阿仙奴，「喜鵲」護級成功後戰意下滑，反觀阿仙奴為力爭前4誓踢翻身仗，戰意十足，客勝值得捧場。

阿仙奴上場「北倫敦打吡」吞熱刺3蛋，不過佢哋只要贏晒最後兩輪，仍可保住前4，必定咬埋最後一啖氣谷埋佢，加上「兵工廠」近7次聯賽對紐卡素全勝，擺明格食格。

紐卡素遇強腳軟
紐卡素喺1月瘋狂增兵後，成功擺脫降班危機，不過佢哋人腳始終未及一線，面對真正勁旅仍然力有不逮。紐卡素近9場聯賽4勝5負，所贏對手全屬中下游球隊，面對車路士、熱刺、利物浦同曼城輸晒，加上冇嘢好爭鬥心成疑，今仗凶多吉少。