足球彩票比分论坛

 找回密码
 立即注册
查看: 775|回复: 0

[东方报]英超:曼市雙雄攜手登場[08-07]

[复制链接]

3808

主题

3808

帖子

1万

积分

超级版主

Rank: 8Rank: 8

积分
12316
发表于 2022-8-7 11:51:55 | 显示全部楼层 |阅读模式
本帖最后由 august 于 2022-8-7 11:53 编辑

0807-00554-011p1.jpg
周日晚英超好波連場,「曼市雙雄」曼聯、曼城分途出擊!「紅魔鬼」曼聯請來荷蘭名帥坦哈格執教,到底會煥然一新,或者又係同以前一樣呢?第一擊主場鬥白禮頓,將會睇到端倪。英超兩連冠嘅曼城早前痛失社區盾,今仗作客韋斯咸當然想贏波省番靚個金漆招牌,但係咪咁易呢?

紅魔大逼搶招呼白禮頓
英超首輪重頭戲,曼聯主場迎戰白禮頓。「紅魔鬼」改朝換代,由新領隊坦哈格執教,為重建王朝揭開新一頁。坦帥強調紀律、逼搶及悅目嘅進攻足球,新季主場第一擊定必全力進攻,佢哋近9次對白禮頓8次開3球或以上,今晚大家等睇入球騷,捧中位數2.5球大盤!

C朗正選登場?

曼聯今夏由阿積士挖角坦哈格出任領隊,多位主力保羅普巴、尼曼查馬迪、卡雲尼等相繼離開奧脫福,近期簽入杜維爾馬拉西亞、基斯甸艾歷臣及利辛度馬天尼斯。雖然王牌C朗去留問題仍存在隱憂,但球隊早前到遠東集訓,C朗未有隨隊下仍能交出好表現,前鋒安東尼馬迪爾、查頓辛祖及拉舒福特亦喺多場熱身賽中取得士哥,攻力依然有保證。

由於安東尼馬迪爾賽前受傷,坦哈格今仗大有機會焗用C朗,呢位葡萄牙巨星上季各項賽事為「紅魔鬼」攻入24球,專門喺大賽做騷,今場新球季第一擊,做慣主角嘅C朗定必爭取士哥。

白禮頓上季38仗僅輸11場,係輸波場次並列第4少嘅球隊,相當硬淨;球隊今夏有中場比蘇馬離隊,古古列拿賽前改投車路士,其餘主力仍然在陣,整體實力冇太大影響。「海鷗」對曼聯經常大手交易,包括上季季尾4比0大炒「紅魔鬼」,入球大不容錯過。
0807-00554-011p3.jpg
莫耶斯有計遇強愈強韋斯咸剋住藍月亮
上季英超冠軍曼城今晚壓軸出場,作客硬撼韋斯咸。「藍月亮」上仗社區盾不敵利物浦,球員仲未操起狀態;「錘仔幫」韋斯咸喺莫耶斯執教之下,表現四平八穩,即使遇上豪門班霸,往往可以令對手吃盡苦頭,加上韋斯咸近3次主場對曼城,法定時間全部打和,今場受讓之下,不妨博讓球主勝。

莫耶斯嘅戰術風格強調簡單直接,踢法上可能唔夠賞心悅目,但勝在夠晒實用,特別係對住強隊,「錘仔幫」嘅穩守突擊非常奏效,不時可以偷襲得手,最佳例子莫過於上季英超季尾,主場上半場領先曼城兩球,換邊後先至被對手逼和2比2,幾乎破壞曼城奪冠美夢。

睇番上年10月英聯盃,韋斯咸主場同曼城打和0比0,最後更憑互射12碼勝出,「錘仔幫」已經連續3次主場喺法定時間內,惡鬥曼城力保不敗,可見莫耶斯應付「藍月亮」特別有心得,客軍今次想贏波並唔容易。

難破鐵桶陣捧「讓主」
至於成為今季英超奪冠頂頭熱門嘅曼城,簽入神鋒艾寧夏蘭特之後,鋒線人腳的確大為增強,不過呢位挪威射手始終加盟球隊冇幾耐,仍然需要時間同隊友磨合,佢喺社區盾對利物浦就試過門前失機,反映目前狀態不足,今場面對韋斯咸「鐵桶陣」,恐怕入波機會唔大,隨時又出現老鼠拉龜,無從入手嘅情況,曼城作客讓唔起,一於要韋斯咸讓球主勝。


回复

使用道具 举报

您需要登录后才可以回帖 登录 | 立即注册

本版积分规则

Archiver|小黑屋|足球彩票比分论坛

GMT+8, 2024-3-29 01:45 , Processed in 0.036808 second(s), 22 queries .

Powered by Discuz! X3.4

Copyright © 2001-2021, Tencent Cloud.

快速回复 返回顶部 返回列表