[东方报]意甲：米蘭對決國米搶韁易先入波[09-03]

august

今晚意甲「米蘭打吡」，AC米蘭掛名主場對國際米蘭，A米上季去到最後一輪先力壓國米封王，「藍黑兵團」今季捲土重來決心十足，睇番近5次對賽國米4次先入球，可博佢哋「第一隊入球」。

A米今夏冇乜重點新兵，僅簽入進攻中場基迪拿尼及前鋒奧歷治，其中奧歷治仲適應緊意甲風格，暫時作用不大。A米今季最大問題係放走防線主將阿利斯奧羅馬洛尼，由湯姆利及皮爾卡魯魯扼守嘅中路唔多可靠，今季頭兩場聯賽對住烏甸尼斯及阿特蘭大都先失守，存有隱憂。

拿達路馬天尼斯係A米剋星
國米雖然有盧卡古受傷無法上陣，不過另一位射手拿達路馬天尼斯就弗到震，連續3場有波入，呢位阿根廷國腳近5次「米蘭打吡」試過兩次梅開二度，可以話係A米剋星，今仗隨時為國米先拔頭籌。