[东方报]英冠：般尼葉士域治對壘旺半和[02-07]

十七号

英足盃第4圈重賽有好嘢介紹，英冠1哥般尼對英甲葉士域治，兩隊雖然相差一個級別，但近年每次交手都難分勝負，包括上次踢成0比0，再數雙方近8次交手全開半場和，預計今場又係難分難解，半場和值得再追。

般尼現時排英冠榜首，領先第3位米杜士堡17分，重返英超機會極大，球隊在前曼城隊長甘賓尼執教下展現超班實力，近8仗7勝1和，而唯一和波賽事，就係上仗喺英足盃0比0賽和葉士域治，可見呢個對手幾難對付。

葉士域治排英甲第3，有機會升上英冠，雖然佢哋實力同般尼照計有一段距離，但上次交手又唔係想像中咁一面倒，而係戰況膠着，葉士域治控球比率有44%，射門同角球等數據亦相當接近，般尼只係稍佔上風，攞唔到甜頭；而且兩隊近8次交手互有勝負，但全開半場和，今仗再碰頭，半場和屬不二之選。