[东方报]意甲：拖連奴打落水狗 主勝做過關變倍器[02-20]

十七号

意甲今輪壓軸戲，拖連奴主場迎戰克雷莫納，客隊依家排包尾士無鬥志，對護級似乎已經採取半放棄態度，拖連奴可乘機打落水狗，主勝可作過關變倍器。

拖連奴上場力戰下以0比1輸畀AC米蘭，表現唔算太差，而且佢哋仍然有機會爭入歐洲賽，肯定唔會放過任何搶分機會。

克雷莫納近8聯賽7敗
拖連奴主場有一定威力，近5仗聯賽主場搶到10分，1月加盟嘅塞爾維亞中場艾雲伊歷今仗有望首演，加強球隊整體實力，今次遇着魚腩克雷莫納，正係全取3分好時機。

作客嘅克雷莫納今季升班之後，實力明顯未夠班，踢咗22場聯賽都未贏過波，只得8和14負成績，最大問題係克雷莫納似乎已經放棄，近期表現愈踢愈差，對上8場聯賽輸足7場，而且墨西哥國腳祖漢華斯基斯今仗累積黃牌要停賽，進一步削弱球隊戰鬥力，作客想搶分並唔樂觀，今場主勝實食冇黐牙，用作過關膽更佳。