[东方报]英超：曼聯韋斯咸搶分大駁火[02-04]

august

另一場英超焦點賽事，近況有啲回升嘅曼聯，喺主場迎戰韋斯咸。「紅魔鬼」小將馬恩奧突然彈起，領隊坦哈格當然Happy，不過門將奧拿拿仍然係後防炸彈，韋斯咸絕對有本事喺曼聯身上入波，兩軍爭緊歐洲賽席位肯定會全力駁火，3.5球入球大放心捧。（Now 621及611周日晚10時直播）

曼聯上周英足盃4比2擊敗紐波特郡，除咗贏波之外，安東尼馬菲奧斯及小將馬恩奧均取得今季首個入球，跟住喺周中快車對狼隊，曼聯喺歷盡艱辛之下，憑馬恩奧補時7分鐘絕殺贏波，更令到呢名18歲中場信心大增。

「紅魔鬼」自去年12上旬主場不敵般尼茅夫後，知恥近乎勇，及後兩場於奧脫福出戰均採取主動，分別以3比2擊敗阿士東維拉及2比2打和熱刺，今場主場出擊，相信同樣會表現進取。不過門將奧拿拿從非國盃回歸，鬥狼隊又失3粒，今季累積被攻入50球，曼聯近3仗全開4球或以上。

奧拿拿把關騰騰震
韋斯咸近5場只得4和1負，聯賽已經被曼聯追到得番1分距離，呢場「歐洲賽6分波」，相信莫耶斯都會豁出去，同曼聯死過。「錘仔幫」自1月21日作客2比2打和錫菲聯後，有10日時間休息，先至喺周中鬥般尼茅夫，球員體力消耗相對比曼聯少，有力同曼聯駁火，推介3.5球入球大。