[东方报]意甲：羅馬撻着大盤值追[02-05]

十七号

卡利亞里護級急搶分
今輪意甲壓軸戰，羅馬主場對卡利亞里，羅馬由名宿迪羅斯接手執教之後，兩場聯賽都贏2比1，表現逐漸重回正軌，當然要乘勝追擊，爭取打入前4位。卡利亞里急需要搶分護級，亦不能退縮，一於再追中位數2.5球嘅入球大。（Now 638周二凌晨3時45分直播）

迪羅斯成為羅馬新教練之後，戰術比前任主帥摩連奴進取，令中前場球員有較多發揮空間，中場羅倫素柏歷堅尼連續兩場聯賽有波入，加上盧卡古、保羅戴巴拿、艾沙拉維都有不俗射術，進攻點多元化，今仗入波機會甚高。

「雌狼」領先後易鬆懈
不過，羅馬往往領先之後，就會開始鬆懈，近兩場聯賽都係領先兩球後，被對手追番1球，僅勝2比1，加上主W太熱，屬於高風險、低回報。

至於卡利亞里位處降班區，餘下每場賽事都要搏盡，搶到1分得1分。事實上，即使卡利亞里成績差，但入球能力不俗，近5場比賽都有波入，包括意大利盃作客攻入AC米蘭大門，預料就算今場輸波，都應該可以破蛋。兩隊近年碰頭經常上演入球騷，近6次聯賽對壘，有5次總入球開出3球或以上，其中4次更加達到5球或以上，只有1場入波少於3球，睇嚟呢口入球大相當穩陣。