AI預測曼城「散班」球星去向　曼聯成大贏家

被判115項財務違規罪成嘅曼城，會受到咩程度嘅處罰仍係未知之數，唔少球迷擔心曼城會被逐出英超。英國《太陽報》近日利用人工智能(AI)進行模擬預測，分析一旦曼城不幸「散班」，一眾頂級球星會何去何從？結果顯示同城死敵曼聯竟可能成為最大贏家！

根據AI嘅數據預測，如果曼城被逐出英超，要由低組別再打起，陣中球星必定大逃亡。預測指艾寧夏蘭特會引發豪門爭奪，最終被西甲巨頭皇家馬德里招攬，至於其他主力好似安素費南迪斯、菲爾科頓、加華度爾、卓基等球星，亦會被皇家馬德里、巴黎聖日耳門等歐洲頂級豪門瓜分。

成份報告最震撼嘅預測，莫過於同城宿敵曼聯嘅「大豐收」，AI顯示曼聯將會趁火打劫，一舉搶簽多達5名曼城球員，包括基安盧基當拿隆馬、艾利洛安達臣、尼高奧萊利、歷高利維斯同馬菲奧斯紐尼斯。AI認為喺曼城被逼拋售資產嘅極端情況下，曼聯有能力憑龐大資金同地緣優勢搶人。

呢個預測喺社交平台上引發熱烈討論，唔少球迷都話「得啖笑」，曼聯球迷亦笑稱「呢個結局過分夢幻」。