[东方报]歐冠：矛盾對決今夜爆發 拜仁撼阿仙奴半細最穩

歐聯重量級對決，德甲班霸拜仁慕尼黑主場出擊，迎戰上屆亞軍阿仙奴。拜仁向來以超強火力見稱，不過進攻核心米高奧利斯今場停賽，要撕破阿仙奴喺歐聯建立嘅銅牆鐵壁，肯定有極大阻力；強強對碰穩陣行先，捧1.5球半場細穩陣。（Now 638周四凌晨3時直播）

拜仁喺歐聯頭兩輪1勝1和攻入8球，不過對手只係波杜基林特同維京，強攻輾壓對手不足為奇。值得留意拜仁喺呢2場入嘅8球，全部都喺下半場先至出現，頭45分鐘完全冇進帳，反映進攻戰術非常慢熱，何況靈魂人物米高奧利斯上場領紅，今場要停賽，加上中場穆斯亞拿又未傷愈，創造力可謂大打折扣。

鋼鐵防線佳績關鍵
阿仙奴同拜仁過往係「歐聯冤家」，拜仁曾試過連續3次5比1大勝，被稱為「阿仙奴剋星」。不過自從阿迪達執教後，「兵工廠」喺歐聯成績大有進步，2024年打入8強、2025年進一步躋身4強、上屆就攞到亞軍，近3次同拜仁交鋒1勝1和1負，絕對係勢均力敵。

「兵工廠」上屆能夠一路殺入決賽，全賴鋼鐵防線支撐，上屆歐聯15場賽事有9場保持不失，今屆頭兩輪亦未失1球，成為今屆賽事唯一一支不失球球隊。今場作客拜仁，阿仙奴肯定先鞏固防務，佢哋近4場歐聯作客，半場總入球全開1球或以下，再開半場細[1.5球]機會高。