6
这个楼主还没有留下简介。
回复讨论
0
登录后可参与回复讨论。
当前还没有回复,欢迎成为第一个参与讨论的人。

今晚英超壓軸尾場,榜首阿仙奴作客硬撼「喜鵲」紐卡素。「喜鵲」雖然今非昔比,但阿仙奴主帥阿迪達一向謹慎,尤其係作客場合更加小心為上,力圖穩中求勝,2.5球入球細好路。(Now 621及611周日凌晨1時30分直播)
紐卡素今夏星散,季初一輪虛火後愈踢愈沉,各項賽事近6仗僅1勝,若果單計聯賽主場,今季5戰錄1勝2和2負僅入6球,主場威力蕩然無存;少帥查斯利主打紅牛系逼搶戰術,但眾將唔太適應到,尤其係失去控球權後,由攻轉守嘅回追速度太慢,導致失波唔少,今仗仲有悍將祖連頓因傷倦勤,中場弱上加弱。
今仗焦點必定係阿仙奴中場般奴古馬雷斯加盟後,首度重返聖占士公園球場倒戈「喜鵲」,少不免會被「開汽水」。不過「兵工廠」簽入般奴古馬雷斯,連同原有嘅迪格蘭賴斯、蘇比文迪、利維斯史基利,令中場中路無論攔截力、組織力及板櫈深度,都有所加強,般奴古馬雷斯仲有多瓣遠射,踢法非常全面。
兵工廠防守硬淨靠得住
阿仙奴雖有中場蘇比文迪及翼鋒布卡約沙卡養傷,幸好防守固若金湯,開咧10輪聯賽9勝兼只失5粒,單計客場5戰只失3球,有4次冇失波及開2球或以下,可見主帥阿迪達穩陣行先,加上「兵工廠」近4次造訪聖占士公園球場僅1勝,「達Sir」都知唔易踢,今仗會繼續穩中求勝嘅策略,2.5球細盤值得捧場。